Hwb Menter Cymru

Ein cenhadaeth yw darparu hwb pwrpasol i gefnogi entrepreneuriaid eithriadol yng Nghymru sydd â syniadau uchel eu potensial. Rydym yn helpu arloeswyr technoleg a pheirianneg i greu mentrau beiddgar ac aflonyddgar sy’n cael effaith gadarnhaol ar gymdeithas.

Mae Hwb Menter Cymru yn dod â’n mentora, ein cyllid a’n cymorth ymarferol atoch chi’n uniongyrchol, gan gyflymu eich llwybr at lwyddiant drwy rwydweithiau lleol, cenedlaethol a byd-eang yr Academi. Yn ogystal â bod yn bwynt cyswllt i ymuno â’n rhaglenni, Hwb Cymru fydd y canolbwynt ar gyfer digwyddiadau i sefydlwyr busnes, arweinwyr a Chymrodyr, a bydd yn ysgogi ein hymdrechion i gryfhau’r ecosystem ar gyfer arloesedd peirianneg ar hyd a lled y wlad.

Dr Luke Burke, Aelod o’r Hwb, Sylfaenydd a Chyfarwyddwr Corryn Biotechnologies Cyf. yn Abertawe

Beth all Hwb Menter Cymru ei wneud i chi?

Creu a meithrin cymuned

Mewn cydweithrediad â’r Prosiect Agor IP, cynllun a gefnogir gan Lywodraeth Cymru a Chronfa Datblygu Rhanbarthol Ewrop, mae’r Academi wedi penodi Uwch Reolwr Menter, Mike McMahon, er mwyn:

cynghori entrepreneuriaid technoleg ac arweinwyr busnesau bach a chanolig wrth wneud cais am gymorth yr Hwb Menter
darparu pwynt cyswllt lleol ar gyfer prifysgolion yng Nghymru i helpu darparu rhaglenni cymorth yr Hwb Menter ledled y wlad
meithrin cysylltiadau a chwarae rhan arweiniol yn ecosystem polisi a chyllid peirianneg Cymru
cynnal rhaglen o ddigwyddiadau Hwb Menter yng Nghymru, gan gynnwys: sgyrsiau gan entrepreneuriaid technoleg sefydledig, digwyddiadau cyflwyno/cyflwyno gwrthdro, a sesiynau arbenigol ar IP, marchnata neu godi arian
hyrwyddo cyfleoedd ar gyfer cysylltiadau â chyfoedion
cysylltu peirianwyr o Gymru gyda gweithgareddau ymchwil, sgiliau ac amrywiaeth a chynhwysiant yr Academi

Mike McMahon yn trafod digwyddiad rhwydweithio

Mike McMahon, Uwch Reolwr Datblygu Busnes Cymru

Dr Youmna Mouhamad, Aelod o’r Hwb, a oedd wedi’i leoli yng Nghymru yn flaenorol, yw dyfeisiwr Nyfasi, dyfais gofal gwallt

“Mae sefydlu Hwb Cymru yn gyfle pwysig i’r academi a’i Chymrodyr gysylltu ac ymgysylltu’n ddyfnach ar draws y rhanbarth. Fel academi genedlaethol, mae gennym rôl unigryw wrth gynrychioli’r proffesiwn i lywodraeth, gan ddarparu llwyfan lle gall llunwyr polisi, academyddion a diwydiant weithio gyda’i gilydd i adeiladu dyfodol cynaliadwy, cynhwysol. Trwy weithio mewn partneriaeth rwy’n credu y gallwn feithrin y genhedlaeth nesaf o arloeswyr a gwella’r twf strategol, nid yn unig yng Nghymru, ond ecosystemau peirianneg ehangach y DU.”

Yr Athro Syr Jim McDonald FRSE FREng, Llywydd yr Academi Beirianneg Frenhinol

“Mae’r diwylliant entrepreneuraidd yng Nghymru yn parhau i dyfu o nerth i nerth gyda ffocws allweddol ar dechnoleg a pheirianneg, gan adeiladu ar ddegawdau o dreftadaeth arloesol. Drwy ddarparu cymorth arbenigol i entrepreneuriaid, bydd yr Hwb Menter yn rhoi mynediad iddynt at rwydwaith yr Academi Beirianneg Frenhinol o beirianwyr sy’n arwain y byd. Drwy weithio gyda chymuned arloesol Cymru rydym am helpu busnesau newydd llewyrchus, a busnesau bach a chanolig fel ei gilydd, i gyflawni eu huchelgeisiau ac i ffynnu.”

Dr John Lazar CBE FREng, Cadeirydd y Pwyllgor Menter

Tîm Hwb Menter Cymru

Mae Mike McMahon yn cynrychioli tîm rhanbarthol Hwb Menter Cymru. Mae’r tîm yn cael ei arwain gan Gillian Gregg, Cyfarwyddwr Cyswllt Ymgysylltu Rhanbarthol, sydd wedi’u lleoli ym Melfast yn Hwb Menter Gogledd Iwerddon.

Ynglŷn â Mike

Mike sy’n gyfrifol am gychwyn yr Hwb Menter yng Nghymru a bydd yn gweithio i wella ein rhwydwaith a darparu cymorth yr Academi i’r nifer o entrepreneuriaid technoleg a pheirianneg gwych ledled y wlad. Mae ei gefndir mewn rheoli prosiectau peirianneg, masnacheiddio o fewn amgylchedd Sefydliad Addysg Uwch a rheoli prosiectau ymchwil lefel uwch gyda busnesau bach a chanolig ledled Cymru.

Cysylltwch â Mike ar LinkedIn.

Sut i gyrraedd yma

Mae Hwb Menter Cymru wedi’i leoli yn Ne Cymru. Mae Mike ar gael ar gyfer cyfarfodydd rhithwir neu bersonol ledled Cymru ac ar hyn o bryd mae'n gweithio o gampws y Bae Prifysgol Abertawe.

Cyfeiriad:

Prifysgol Abertawe (Campws y Bae)

Ffordd Fabian

Twyni Crymlyn

Sgiwen

Abertawe SA1 8EN

Cael cyfarwyddiadau i deithio mewn car neu ar drafnidiaeth gyhoeddus. Am ragor o ymholiadau mynediad, ewch i wefan Prifysgol Abertawe neu cysylltwch â Mike ymlaen llaw.

Map Google yn lleoli Hwb Menter Cymru ar gampws Bae Prifysgol Abertawe.

Mae canolfan yr Academi yng Nghymru wedi’i hariannu mewn partneriaeth â phrosiect AgorIP mewn cydweithrediad â phartner arweiniol Prifysgol Abertawe, ynghyd â SAUau a Byrddau Iechyd ledled Cymru.